Für Kinder ab 1.Klasse bis 6. Klasse

Möchtest Du auch einmal ein Oster- oder Weihnachtsmusical aktiv erleben? Im Kindergottesdienst treffen wir uns jeden Freitag nach der Schule zum gemeinsamen Zvieri. Dann gibt’s Geschichten, Lieder, Spiele oder wir proben für unsere Aufführungen. Ein Team von Jugendlichen unterstützt die Musicaltruppe.

Kindergottesdienst in Frenkendorf: Jeweils freitags von 15.30 – 16.45 Uhr, im Kirchgemeindehaus Kirchacker (während den Wintermonaten), sonst in der Kirche Frenkendorf mit Barbara Jansen.

Musicaltreff in Füllinsdorf: Jeweils freitags von 15.30 – 17 Uhr, im UZ der Kirche Füllinsdorf mit Andrea Kutzarow.

Für Familien mit Kindern ab dem Babyalter.

Eine gottesdienstliche Feier für Kinder und Erwachsene die alle Sinne anspricht. Wir hören Musik, singen, erleben eine biblische oder eine Bilderbuch-Geschichte und vertiefen diese kreativ. Anschliessend gibt’s einen kindgerechten Apéro.

Eine gottesdienstliche Feier für Kinder und Erwachsene die alle Sinne anspricht. Wir hören Musik, singen, erleben eine biblische oder eine Bilderbuch-Geschichte und vertiefen diese kreativ. Anschliessend gibt’s einen kindgerechten Apéro.

Nächste Fiire mit de Chliine:

https://drive.google.com/file/d/1XFpha1y_dvalmD7Md95ROkNq-K5O_3_5/view?pli=1

Vielleicht hast Du das Weihnachtsmusical „Leuchte kleiner Stern“ nicht gesehen. Hier https://scmhnssler.app.box.com/s/xp3f6s96fa8jd15p1jwjeqqtm0tpikg6 kannst Du Dir das Bilderbuch dazu erzählen lassen und die Lieder anhören. Viel Spass dabei. Michael Herrmann und Andrea Kutzarow. Fotos Doris Thommen.

Hüt isch Muetertag. Herzlich willkomme. Das säged d’Steffi Frey und d’Andrea Kutzarow. Am Sunntig zämme fiire isch schön. Au dehei, zämme mit em Mami oder em Papi. Und scho gaht’s los. Kännsch Du die chlini Hummel?[1]

Lueg, da isch sie scho:
Sie heisst Bommel.
Sie hät ganz chlini Flügel.

S’Wäspi und s’Bienli lached sie us
und säged: Flüge chönd ebe nume
die Grosse. Das macht Bommel truurig.

.

[1] Nach dem Bilderbuch „Die kleine Hummel Bommel“ von Britta Sabbag, Maite Kelly, Joëlle Tourlonias

Mini Flügel sind würklich nume chlii und ich bin chugelrund. Klar dass ich nüd chan Flüge, dänkt Bommel truurig. Uf em Heiwäg trifft sie Lilly Libelle. „Du häsch aber wunderschöni grossi Flügel“, meint Bommel. „Klar, aber die bruch ich auch, ich mues ja über em Wasser schwebe.“

Bi de Frau Mary isch es schön, dänkt Hummel Bommel. Sie stuunt, wie schön die Pünktli uf de Flügel vo de Mary sind. Aber

die hät kei Ziit, sie isch grad am Putze.

De Pfarrer Fliege hät Ziit. Er sitzt am Schriibtisch und schriibt en Brief. Die chlini Hummel dänkt: de weiss sicher, warum mini Flügel so chlii sind.

De Pfarrer Fliege überleggt: „Weisch, ich dänke, dass isch, will Gott eus alli andersch gmacht hät. Jede vo eus isch einzigartig. Und das isch doch guet eso. Stell der vor, es hetti kei Libelle, kei Mariekäfer, kei Biene und keini Wäspe. Das wär doch truurig.“ Jede vo eus isch eifach wunderbar. Du au. Und übrigens: Flüge cha mer lehre. Du häsch alles, was es dezue brucht. Nume Muet Bommel.

Villicht weiss Gisela Grille meh,
dänkt die chlini Hummel.
Wie schön sie musiziert.
„Du, Gisela, warum bin
ich so andersch? Die andere
säged, mini Flügel siged vill vill
z’chlii zum Flüge.“ Da seit
d’Gisela: „Flüge cha mer lehre.
Du häsch alles, was mer dezue
bruucht. Los nume zue.“
Und dänn singt sie.

Sie singt so schön, da will mer eifach mitsinge. Du au? Dänn lueg, da isch s’Lied:

Du bist Du. Und da sind d’Note dezue.

Oh wie schön, dänkt Bommel. Aber jetzt will is wüsse. Ich gang zum Doktor Weber.

„Liebe Doktor Weber. Ich bruuch echli Muet. Woher söll i de näh. Was mues mer mache, dass mer chan Flüge?“

„Also zerscht emal tüüf ischnufe und usschnufe. Ja, sehr guet. Und jetzt bitte d’Auge zuemache. Nei, nid blintzle. Schön wiiterschnufe. Sehr geut. Und jetzt d’Flügel bewege, schön langsam. Wunderbar. Nachli meh. Und jetzt langsam d’Auge ufmache ……“

„Juhu, ich flüüge. Wie schön. Ich han de Muet gfunde. In mir drin. Danke für alles. Das mues i sofort em Mami go verzelle. Und em Papi au. Und überhaupt allne. „

Dehei verzellt sie dänn vo ihrem Chummer, vo de villne Begägnige, em schöne Lied und devor, dass sie cha flüge. Sie machts sogar vor. Aber Papi und Mami sind natürlich keis bitzeli überrascht. Mängisch bruuchts eifach echli Muet. Und echli Ziit. Und ganz vill Liebi.

Wänn Du magsch, chasch em liebe Gott Danke säge:

Danke liebe Gott fürs Mami und de Papi.
Danke, dass ich geborge bin.
Danke, häsch Du mich so bsunders gmacht.
Danke, für de Muet.
Bitte, bis bi mir, hüt und morn.
Bitte behüt Du mich und eusi Familie und die ganzi Welt. Amen

In de Bible gits es Lied, das redt devo, dass mir immer und überall und ganz egal was isch, geborge dörfed sii. Und dass mer mit vill Liebi gschaffe sind. Die wo wänd, chönd in de Bible de ganzi Psalm zämme läse. Oder sich eifach die beide Verse z’Herze näh:

„Du (Gott) hast mich mit meinem Innersten geschaffen, im Leib meiner Mutter hast du mich gebildet. Herr, ich danke dir dafür, dass du mich so wunderbar und einzigartig gemacht hast! Grossartig ist alles, was du geschaffen hast – das erkenne ich!“

Es isch schön, dass es Dich git. Vergiss das nie. Villicht magsch nachli male, dänn ladt der das Bild abe vo Bommel. Oder Du häsch Lust, zum e chlini Hummel baschtle. Wänn da druf klicksch, chunnt d’Aleitig.

Mir wünsche Dir zämme mit Dinere Familie en guete Sunntig. Bliib gelasse wie e Schildkrot, muetig wie d’Hummel Bommel und bärestark gsund. Gottes Säge sigi mit Dir. Hüt, morn und immer. Amen